Din Guzar Gayaa Aitabaar Main [Jagjit Singh]

• Jagjit Singh
• Genres : Classical Music, Ghazal, Playback singing
• Occupations : Singer, Composer
• Late : 1941 - 2011

Din Guzar Gayaa Aitabaar Main

din guzar gayaa aitabaar main
raat kat gaii intazaar main

wo mazaa kahaan vasl-e-yaar main
lutf jo milaa intazaar main

un kii ik nazar kaam kar gaii
hosh ab kahaan hoshiyaar main

mere kabze main kaayenaat hai
main huun aap ke ikhtiyaar main

aankh to uthii phuul kii taraf
dil ulajh gayaa husn-e-khaar main

tum se kyaa kahen kitane gam sahe
ham ne be-wafaa tere pyaar main

fikr-e-aashiyaan har khizaam kii
aashiyaan jalaa har bahaar main

kis tarah ye gam bhuul jaaye ham
wo judaa huaa is bahaar main