har ek baat pe kehte ho tum ke tu kya hai [Jagjit Singh]

• Artist : Jagjit Singh
• Ghazal : har ek baat pe kehte ho tum ke tu kya hai
• Singer : Jagjit Singh, Chitra Singh
• Late : 8-Feb-1941 to 10-Oct-2011
• lyrics by : Mirza Ghalib

har ek baat pe kehte ho tum ke tu kya hai

har ek baat pe kehte ho tum ke tu kya hai
tumhi kaho ke yeh andaaz-e-guftgoo kya hai

ragon mein daudte phirne ke ham nahin qaayal
jab aankh hi se na tapka to phir lahoo kya hai

chipak raha hai badan par lahoo se pai raahan
hamaari jeb ko ab haajat-e-rafoo kya hai

jalaa hai jism jahaan dil bhee jal gaya hoga
kuredate ho jo ab raakh, justjoo kya hai

rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai